نفسي ارجع تانى صغير
نفسي ارجع تانى صغير **** طفل بيلعب مش متحير
افرح واضحك وانسي الهم
*** وانسي الناس اللي بتغير
نفسي ارجع زي زمان
*** أنا والصحبة والخلان
نقعد نلعب طول اليوم ***
في الشارع ووسط الغيطان
كنا بنصحه ونقوم بدري
*** نشرب شاي ونطلع نجرى
واسعه الدنيا بين ما نروح *** شرقه وغربه قبلي وبحري
نلعب كوره ونلعب حجله
***نعوم في الترعة ونركب عجله
ولما نجوع بيبقى غدانا *** طمطامه وكسره وحتة فجله
الظهر يأذن مش بنقيل
*** معانا لحد الليل ما يليل
وان غلطنا وحد
ضربنا *** يقلولو سيبه لسه ده عيل
كنا بنشبع ماللعب كتير
*** ونهارنا يعدى من غير تفكير
وأخر اليوم نقعد نتلم ***
نحكى حكاوي ونقول فوازير
حتى الحب كان كله براءة *** مفهوش خداع أو حتى أساءه
كنا بنخجل نتكلم عنه ***
كنا بنحسد اللي عنده جراءه
كانت قلوبنا مفهاش عذاب *** رغم انى هدومنا مليانه تراب
كنا بنزعل ايوه بنزعل *** بس بنرجع تانى أصحاب
ولما كبرنا كبر الهم *** ومعدناش تانى بنتلم
أتغيرنا وحالنا أتبدل *** وأصبح حال الدنيا يغم
دلوقتى الصفا مبقاش موجود *** وقلوب الناس مليانه جحود
أيام صبانا دى احلي أيام ***
ياريتها ترجع تانى تعود
كلمات > ابو يحيى
نت
ليست هناك تعليقات:
إرسال تعليق