قصيدة يا

ياحبيبى يا ضى عينى                    يا عمرى ويا سنينى    
ياعـشقى وياغرامى                       يا اشواقى وحـنينى
ياروحى  ويا حياتى                      يا ماضيه وزكرياتى
يا مبارح وانهرده                         يابكره اللى جاى واتى 
يابسمه فوق شفيفى                       ياطريق مرسوم فى كفى  
ياطبيبى ويا علاجى                       يا دوايا اللى بيشفى 
يانسمه فى حر صيف                     يا امان فى دنيا خوف 
يا حضن حنون ودافى                    يااسم من اجمل حروف 
يا كلمه فى كتابى                          يا رسمه على بابى 
يا اصحابى وجرانى                      يا اهلى وكل احبابى 
يا قمر عالى فى سمايا                    يا نغم ساكن غنايا 
يااحلامى وامالى                          ياسعدى ويا هنايا 
يا كل الدنيا ديه                            يا نور قلبى وعنيه 
يا بختى ويا نصيبى                       يا اغلى منى ليه 
ياما نفسى اقولك كلام كتير              يالى انا فى حبك اسير  
ياحبيب قلبى يا غالى                     يا حبى الاول والاخير 
 
كلمات ابو يحيى الفنان