قصيدة لما كان معايا المال

انا لما كان معايا المال    ****   كانو يقولولى ياعم يا خال 
بعدو عنى ونسيونى       ****     لما الحال بقى غير الحال 
اللى فاكرهم احبابى        ****      وفـاتح ليهم انـا بابـى 
لما الزمان جار عليه       ****     لاجونى ولاعملو حسابى          
اول ماخير الله عطاهم     ****      طمعهم من الحق عماهم 
قالو احنا اللى خيرنا عليك  ****      ونسيو اللى عملتو معاهم 
كـنت بأخـد من مالى         ****      وما ابخلشى عليهم غالى 
كبرو وتربو فى خيرى      ****       عاشو فى الفرح ليالى 
عشان مالى الكل حببنى      ****      الـكل عـايز يـناسبـنى 
كـنت بأحـكم وتـأمر           ****       ولا حد يقدر يغصبنى 
كانو ينادونى سعادة البيه      ****       كل اللى يطلب كنت اديه 
اسأل عليهم وعن حالهم       ****       دلوقتى شوفو بيحصل ايه 
لما المال مبقاش موجود        ****       الود اصبح شئ مفقود 
كل اللى اروح عندو فى بيته    ****      الاقينى من جواه مطرود 
وحيد ولا حد فاكرنى            ****       الكل فارق وهاجرنى 
حتى اللى كان ديما يسأل       ****       معادشى بياجينى يزورنى 
واللى كان عامل صاحب       ****       كان كل همو يكون كاسب 
بـعد ما كـنا بنقسمها            *****      دلوقتى بيقول نتحاسب 
دنيا وفيكى الناس انواع        ****       فكى القنوع وفيكى الطماع 
اللى فضلت ابنيه فى سنين     ****     فى لحظه منى اتهد وضاع 
ياناس ده حتى اللى كنت اهواه****     طالب منى ابعد وانساه 
الكل عنى بيتخلى               ****      فى اللى بنيته عوضى على الله 

كلمات ابو يحيى