قصيدة اسمعنى

اسمعنى يالى بعيد عنى                        وسايبنى عايش وحدانى 
انا صابر غصب عنى                         ومستنى ترجع لى تانى 
تعـالى وطـمن قـلبى                           تعالى دى عنيك وحشانى 
تعالى محتاجك جنبى                          نـار الشوق بتـكـويـنى 
بعـدك عنى بيـألمـنى                           زود همومى واحزانى 
طـول ليـلى وعـذبـنى                          سـهر فـكرى وخـلانى 
لاعارف انام ولاقادراصبر                   تايه ومش لاقى مكانى 
كفايا بعد انا مش حقدر                       ارحم اهاتى دموع عينى 
هان عليك كده تهجرنى                       هان عليك كده تنسانى 
يا هل ترى لسه فاكنى                        ولا انت راضى بحرمانى 
صورتك دايما قدامى                         واسمك مفارقشى لسانى 
معـايا حـتى فى منامى                       مـغـبـتش عن بالى ثوانى 
نفسى اشوفك واحكيلك                      نفسى اخدك فى احضانى 
قـولى فين وانا اجـيلك                        يافرحة عمرى وزمانى 
بـحـبك ايـوه بـحـبـك                         سـاكـن روحـى ووجـدانى 
بكـل ما امـلك بحـبك                         بقلبى وعقلى وكل كيانى


كلمات ابو يحيى الفنان