وسط الزهور
انا كنت بتمشى فى مره بين الزهور وسط الخضره
فى حالى ولا كان على بالى شفت الجميله ومن
نظره
شغلت قلبى وافكارى اول ما عدت من
جارى
خلتنى فى
عالم تانى وبروحى ما بقيتش دارى
وسط الزهور ماشيه بعفه والضحكه بتزين الشفه
حوريه نازله من
الجنه زى القمر عسل
مصفه
الشعر نازل على الكتفين والسحر ساكن جوه العين
والحواجب والرموش وحلاوة لون الخدين
من غيرتو بص الفل ومال وشوش لليسمين وقال
بيقولو علينا
الحلوين ودى اجمل
ولا زيها مثال
والعصفير فوق الاغصان بتغرد وتقول
الحان
الكل فى جمالها بيمدح وانا عاشق مغرم ولهان
خطفت ورده ورحتلها وعن مشاعرى بحتلها
قولتلها انا معجب بيكى وفضلت اوصف واحكيلها
قالتلى ايه اخر الاعجاب قولتلها نفسى نكون احباب
قالتلى لو عايز ردى
روح لبيتنا ودق
الباب
من الفرحه ما درتشى بحالى فى ساعتها على طول طوالى
اختها ورحت لأبوها وعملنا افراح
وليالى
كلمات ابو يحيى الفنان
ليست هناك تعليقات:
إرسال تعليق